وين حجك والمناسك وين هديك والنحر
وين زمزم والصفاوين المشاعر والحجر
تطلع اوتترك الكعبه ماتقلى أشهالعذر
راد يتكلم أبو سكينه وهلت دمعته
صاح أنا غصب عليه من ارض مكه طلعتى
أتلومني والخبر عندك يبن عمي بحالتي
همة العدوان ذبحي اوذبح قومي وعزوتي
ترضى دمي ينسفك والبيت تهتك حرمته
يعرفوني من قبل ماطيع للفاجر يزيد
اولاحط للذل راسىاولافر مثل العبيد
اولويضل ضعني بمكه كان ماعيد العيد
رد يبن عمي وخل الدهر يفعل رادته
اوهالسنه عيدي اوحجي تعين فارض الطفوف
ورد اضحي بهالصناديد االذي حولي أوقوف
هذا جسمه مقطعينه وذاك مقطوع الكفوف
وهذا مايحضى بساعه بين عرسه وذبحته
لوتشوف اشلون اهرول من يناديني شباب
وابتدي بالتلبيه والنوح من بين الطناب
نوب صوب المشرعه وانضر قمر عدنان غاب
اونوب وسط المعركه للولد وارفع جثته
وانابيت الله وضل من فيض طبراتي غريج
والحجر نحري يبن عمى اويتامي الحجيج
اوتسمع الهاحول جسمي امن الضرب حنه وضجيج
بين أعادي والعدو تدري شديده وليته
وادى حجي غير وادي والشهر غير الشهر
اوتنقضى كل المناسك يوم عاشور الضهر
اضل مرمي اعلى الترىويركب على صدري الشمر
يفرى اوداجي اومهجتي من الضمامتفتته
ثوب المخرق احرامي وينسلب فوق الثرى
والبس مخيط الدما وابقى رميه بالعرى
ويرتفع راسي على الذابل اوزينب تنضره
ويل قلبي اوتجذب الحسرات كلما شافته
- مُلا عَطية الجَمـــري ..
